陳明仁原著、酒井亨監譯《台湾語で歌え日本の歌》書評：以翻譯者的角度切入

陳明仁著作、酒井亨監譯ê《台湾語で歌え日本の歌》（用台灣話吟唱！日本ê歌；以下用「本冊」代替）是頭一本翻譯做日語ê台語文學作品。2019年9月，第一刷1000本出版了後，陸續有評論1ê文章發表，攏hōo伊真懸ê評價。11月初1到初2，作者陳明仁kap蔣為文老師、陳麗君老師這寡tī台語文學界裡真有知名度ê人士，來到東京ê台灣文化中心參加紀念活動。自來，台灣文學tī日本干焦hōo人認bat做是用華語抑是日語寫ê作品，本冊tī日本開新冊發表會彼tiap，thang講是拍破過去無正確ê認知ê一个時刻。