我所熟似的台灣

The Taiwan I Know

逐家好，我是莫東明。今仔日我真歡喜共恁介紹我所熟似的台灣。兩年前，我去過高雄附近的一間廟仔，彼個時陣，我去看一個童乩，伊咧創啥物呢？伊共一個牛乳喙仔囥佇喙內底。伊的行為親像一個囡仔，真無乖，嘛真愛滾耍笑。這個童乩表現出來的，就是台灣人攏熟似的「三太子」，伊的名叫做李哪吒，逐家攏叫伊「中壇元帥」。最近，佇廟會表演的時，有一款陣頭叫做「電音三太子」，就是用三太子的打扮來表演的，這款表演也愈來愈紅。我想，李哪吒佇臺灣彼爾受歡迎，是因為伊真無乖，真九怪！有一寡臺灣的少年囝仔嘛無外乖，In愛tshit-迌，毋讀冊，猶閣無欲聽父母的話，所以走去參加「電音三太子」。我發現，少年囝仔真想離開家己的厝，哪吒也真想欲獨立；閣再講，臺灣的社會及文化也有這款的特性，所以臺灣人真佮意伊。尾仔，我想欲講的是按呢：雖然電音三太子看起來親像真古錐及快樂，毋閣，伊代表一般的老百姓，無像關公，是真很嚴肅、偉大的神明，莫怪李哪吒受著一般台灣人的歡迎及支持。我欲講閣有真濟，因為時間的關係，我就講到遮。多謝各位！